RSS Feed 
English 
Íslenska 
expert.is
Sérfræðiteymi og sérfræðilausnir
expert.is býður breiða flóru ráðgjafar, þróunar og verkefnastjórnunar.
Þvert á atvinnugreinar og með margar sérfræðigreinar.
Sérfræðingamiðlun
Breytingar?Er fyrirtækið að ganga í gegnum miklar breytingar? |
Sérfræðingar?Vantar sérfræðing til að |
Skalanleiki?Er fyrirtækið að upplifa |
Ef þú hefur svarað einhverri þessara spurninga með “JÁ” – þá ert þú nú á réttum stað!
Tags: expert, Sérfræðingamiðlun
Microsoft TechEd og Convergence á Íslandi!
Microsoft á Íslandi halda nú annað árið í röð tækniráðstefnu sem óhætt er að mæla með. Hér eru komnir nokkrir af áhugaverðustu fyrirlestrum frá TechEd og Convergence.
Hægt er að velja úr meira en 100 fyrirlestrum um Microsoft tækni og hugmyndafræði. Boðið er upp á sérstakar línur fyrir stjórnendur, tæknimenn og hugbúnaðarfólk og í raun setja saman sína dagskrá.
Aldrei að vita nema þú nælir þér í eina góða hugmynd (eða jafnvel fleiri). Ég mætti á ráðstefnuna í fyrra og var mjög sáttur við alla umgjörð og efnið var vel fram sett.
Ekki verra að ráðstefnan er ókeypis – sem hentar óneitanlega frábærlega á þessum síðustu og verstu…
www.microsoft.is/best_of_2010
Tags: Convergence, Microsoft, TechEd, tækniráðstefna
Framtíðarsýn Síma og Samskipta
SIMYO og Ahead of Time kynna fyrir okkur framtíð þráðlausra símtækja og samskipta. Hér eru kynntar helstu niðurstöður úr opnum hugstefnu MOCOM 2020.
Rifjuð er upp saga þráðlausra síma frá upphafi og spáð í möguleika framtíðarinnar:
- 1906 Einkaleifi veitt á þráðlausum síma í Bandaríkunum
- 1973 Fyrsta þráðlausa símtalið hringt í New York
- 1979 Fyrstu farsímar settir á almennan markað í Tokyo
- 1982 Nokia setur fyrsta farsímann sinn á markað
- 1991 Fyrsta GSM kerfið opnar í Finnlandi
- 1998 Fyrstu hringitónar seldir
- 1999 Blackberry tæknin kynnt og tölvupóstur þar með kominn í símann
- 2001 3G tæknin kynnt í Japan
- 2007 Fjöldi notenda farsíma kominn yfir þrjá milljarða
- 2007 Apple kynnir iPhone snertisíma
- 2008 Fjöldi notenda á internetinu komnir yfir einn milljarð
- 2008 600 Milljón notendur geta tengst internetinu með farsímanum sínum
- 2009 Facebook notendur komnir yfir 200 milljónir
- 2009 Twitter slær í gegn
- 2009 Fjöldi notenda farsíma kominn yfir fjóra milljarða
- 2010 Tengdir og ótengdir heimar renna saman (Online/Offline)
- 2011 Innbyggðir nemar bætast í símana (GPS, hiti, raki o.s.frv.)
- 2012 1 billjón tæki tengd internetinu (1.000.000.000.000)
- 2012 Tæki við tæki samskipti og gáfuð tæki koma fram
- 2013 Breiðband farsíma og vitleg ský (smart cloud)
- 2014 Indland og Afríka ná 70% markaðshlutdeild farsíma
- 2014 Farsímagreiðslur orðnar almennar
- 2015 Persónusniðin tæki koma til sögunnar
- 2016 NY Times hættir prentun og selur sérstaka lesara á 1 dollar
- 2017 Farsímamiðillinn nær hámarki og er stærri en allir aðrir miðlar til samans
- 2017 Rauntímaþýðing texta og talaðs máls
- 2018 Öryggi farsímatækni sett á oddinn af yfirvöldum í Bandaríkjunum
- 2019 Áhersla á persónuvernd og öryggi farsíma
2020 er farsímatæknin orðin:
- Truflandi
- Grípandi
- Gagnvirk
- Umdeild
- Alþjóðleg
Taktu þátt í umræðunni á mocom2020.com
Tags: Framtíðarsýn, Samskipti, Sími
Google Chrome OS Stýrikerfi
Undanfarin ár hefur sterkasta vígi Microsoft verið stýrikerfið Windows.
Nú hefur Google lýst yfir að þeir ætli að bjóða stýrikerfi fyrir einkatölvur. Stýrikerfið nefna þeir Google Chrome OS og vísa þar í Chrome vafrann sem náð hefur miklum vinsældum. Stýrikerfið verður þannig byggt á vafranum og fellur vel inn í alla flóru kerfa sem Google hefur verið að þróa og byggja á veftækni.
Það er augljóslega markmið Google að ráðast nú að höfuðvígi Microsoft með skýrari heildarsýn á framtíðina. Framtíð sem byggir á ódýrum aðgangi að Internetinu og sítengingu hvar og hvenær sem er. Og líka framtíð sem byggir á ódýrum og litlum tækjum sem hægt er að nota til að vafra um netheima og eiga samskipti við vini og samstarfsmenn.
Myndin er að skýrar og hvert sem litið er getur þú nú notað kerfi frá Google:
- Google Chrome til að vafra um netið á Windows, Linux eða Mac vélum
- YouTube til að skoða og deila myndböndum
- Picasa til að skoða og deila myndum
- GMail fyrir allan tölvupóst
- Google Reader til að fylgjast með fréttum og bloggi
- Google Docs fyrir ritvinnslu, töflureikni og kynningar
Að sjálfsögðu tengir Google líka framtíðarstýrikerfið við Google Friend Connect sem gerir það mun öflugra en Facebook, Twitter og önnur félagsnetverk.
Nú verður fróðlegt að sjá hvort og hvernig Microsoft ætlar að bregast við…
Hvað heldur þú?
Tags: Chrome OS, Google Chrome OS, Microsoft, Stýrikerfi
Rafræn stjórnsýsla
Notkun íslendinga á Internetinu er sífellt að aukast. Flest heimili eru komin með tengingu og hagræðið eru augljóst. Stjórnsýslan vill gjarnan bjóða betri og hagkvæmari þjónustu og veita almenningi og fyrirtækjum greiðari aðgang að upplýsingum.
Viðskiptavinir sem koma í eigin persónu í afgreiðslu eða hringja inn kosta meira en viðskiptavinir sem geta afgreitt sig sjálfir á netinu.
Rafræn meðferð mála tryggir betri framgang afgreiðslu og eykur skilvirkni. Auk þess sem krafan nú er um opnari umræðu og betri aðgang að ákvarðanatöku stjórnvalda.
Verkefni Expert ehf. felast í að samþætta núverandi lausnir, koma með tillögur að nýjum og hvernig hægt er að taka gömul kerfi úr notkun – allt þannig að hagræði náist fram og að núgildandi lögum og reglum sé fylgt.
Markmiðið er hagræðing og sparnaður með því m.a. að vinna að upptöku rafrænna skilríkja, aukinni notkun rafrænna eyðublaða og stöðluðum rafrænum samskiptum stofnana.
Tags: Rafræn stjórnsýsla
Expert semur við Ríkiskaup
Expert hefur nú undirritað rammasamning við Ríkiskaup vegna kaupa á ráðgjöf vegna upplýsingatækni.
Nú þegar rammasamningarnir hafa tekið gildi geta stofnanir og fyrirtæki ríkisins leitað til Expert og þeirra ráðgjafa annarra sem eiga aðild að samningum um viðkomandi þjónustu og ýmist keypt þjónustu beint af þeim eða farið í svokallað örútboð innan rammasamnings með einstök stærri verkefni.
Með notkun rammasamninga er útboðsskylda vegna verkefna ríkisins uppfyllt, jafnt innanlands sem á Evrópska efnahagssvæðinu EES.
Hér opnast tækifæri fyrir ríkisfyrirtæki til að auka hagkvæmni í rekstri og flýta mikilvægum verkefnum. Expert ehf fagnar þessu framtaki og vonar að framkvæmdin heppnist sem best.
Upplýsingaöryggi
Öryggismál eru lykilþáttur upplýsingatækni. Þau eru bæði spurning um skipulag og tækni. Skipulag öryggismála er útfært með reglum um ábyrgð starfsmanna, flokkun upplýsinga eftir mikilvægi og hversu viðkvæmar upplýsingarnar eru (t.d. varðandi persónuvernd). Tæknilegar útfærslur geta verið ólíkar og farið eftir mati á áhættu og áætlun um samfellu í rekstri.
Að öryggismálum þarf að huga á öllum líftíma upplýsinga. Frá öflun og skráningu yfir í vörslu, flutning, vinnslu og birtingar allt þar til upplýsingunum er loks fargað.
Talað er um þrjú lykilatriði upplýsingaöryggis:
- Trúnaður (Confidentiality) – eingöngu þeir sem til þess hafa heimild geti skoðað eða breytt upplýsingum
- Réttleiki (Integrity) – upplýsingar séu réttar og hafi ekki verið breytt eða eytt að hluta eða heild
- Tiltækileiki (Availability) – upplýsingar séu tiltækar þegar á þarf að halda
Stjórnsýslan, fyrirtæki, fjármálastofnanir, heilsugæsla og skólar safna gríðarmikilum trúnaðarupplýsingum um starfsmenn, viðskiptavini, vörur, rannsóknir og stöðu fjármála. Megninu af þessum upplýsingum er safnað og geymt á rafrænum miðlum og fluttar með tölvutækni.
Ef trúnaðarupplýsingar um viðskiptavini, fjármál eða nýja vöru í þróun berast í rangar hendur gæti slíkt rof á öryggi leitt til tapaðra viðskipta, málaferla eða jafnvel í verstu tilfellum til gjaldþrots.
Vernd viðkvæmra upplýsinga er siðferðileg skylda hvers fyrirtækis og er í mörgum tilvikum auk þess skylt samkvæmt lögum.
Verkefni okkar eru að efla aðgangsstýringu, bæta afritun og endurheimt gagna, dulritun viðkvæmra trúnaðarupplýsinga, staðfestingu réttleika upplýsinga fyrir og eftir vinnslu eða flutning, trúnaðaryfirlýsingar starfsmanna og verktaka og vírusavarnir. Verklagsreglur þurfa auk þess að vera í samræmi við gildi upplýsinganna.
Hafðu samband við okkur ef þú hefur áhuga á betri lausnum fyrir upplýsingaöryggi.
Tags: réttleiki, tiltækileiki, trúnaður, Upplýsingaöryggi
Frumkvöðull dansar
Hvernig fer frumkvöðull að því að fá aðra til að fylkja sér á bak við hugmynd?
Jú – hann byrjar “hreyfingu”…
Í þessu myndbandi er frumkvöðullinn í fyrstu einn og einmana að dansa trylltan dans. Fljótlega bætist einn í viðbót við. Þegar sá þriðji kemur í hópinn verður SPRENGING – allir hópast að og taka þátt.
Þessir þrír fyrstu gegna mikilvægasta hlutverkinu. Fyrsti með því að sýna þolinmæði og halda áfram þó það geti verið vandræðalegt. Annar með því að sýna samstöðu. Sá þriðji gegnir greinilega því hlutverki að koma örðum til að sjá þetta sem hópathöfn sem gaman er að taka þátt í.
Myndbandið sýnir líka hvernig vírusar virka smitandi (ekki þessir líffræðilegu – heldur félagslegu).
Lærdómur: Haltu áfram að dansa!
Tags: Frumkvöðull, Leiðtogi, smitandi, vírus
Vandi ríkisstofnana
Í skýrslu um kaup ríkisins á sérfræðiþjónustu frá árinu 2000 komu ýmis vandmál í ljós.
- Ríkisstofnanir virðast ekki fara eftir neinum samræmdum reglum eða leiðbeiningum við kaup á ráðgjöf.
- Skortur á þekkingu innan stofnunar, þörf á mati óháðra aðila, starfsmenn tengdir verkefninu
- Verkefni ráðgjafa oft á tíðum óskilgreint
- Aðeins aflað tilboða frá einum aðila
- Útboð á ráðgjöf, hæfnismat eða verðsamkeppni meðal ráðgjafa nær óþekkt innan ríkisgeirans
- Innan við helmingur stofnana höfðu gert skriflegt samkomulag við ráðgjafann.
- Umsjón með vinnu ráðgjafans ekki nægjanlega markviss
Ástandið hafði lítið batnað árið 2005.
Oft byggir þetta á lélegri þarfagreiningu í upphafi. Einhver starfsmaður telur sig vita hver er hæfastur á einhverju sérfræðisviði og talar eingöngu við hann. Þannig verður til vinavæðing sem getur leitt til vandræða síðar og stafar auk þess af raunverulegri vanþekkingu á markaðnum og þeim lausnum og þekkingu sem þar finnst.
Afleiðingin er að allar reglur um útboð eru sniðgengnar og oft eru líka samningar ófullkomnir hvað varðar verklýsingu, tímaáætlun, verð og verklok. Oft eru heldur ekki gerðar úttektir á verkinu. Slík verk tefjast oft von úr viti og kosta mikið þegar upp er staðið og því miður án þess að árangur sé sýnilegur.
Skjölun á virkni tölvukerfa þarf að gera öðrum sérfræðingum mögulegt að breyta, bæta og lagfæra kerfið eftir því sem nýjar kröfur kalla á.
Afurðin sjálf getur líka verið ófullnægjandi og ekki uppfyllt lágmarks kröfur um virkni eða skilgreiningu á vanda. Hvort sem afurðin er nýtt tölvukerfi, skýrsla, greinargerð, úttekt eða annað sem um var rætt. Kaupin gagnast því ekki og verr af stað farið en heima setið.
Expert ehf. vill stunda skilvirkni og gegnsæi í vinnubrögðum. Við leggjum áherslu á:
- Öfluga verkefnastjórnun og bætt skipulag
- Skilvirkari verklagsreglur
- Heiðarleika og sanngirni
- Vandaða meðferð persónutengdra upplýsinga
- Auknar kröfur um öryggi upplýsingakerfa
- Gott samstarf við innra eftirlit
Rammasamningar ríkisins
Ríkiskaup hafa staðið að því að koma á rammasamningum ríkisins vegna kaupa á þjónustu og vörum. Markmið ríkiskaupa er að samræma innkaup ríkisins og ná hagkvæmari innkaupum með því að kaupa meira magn í einu. Með þessu er stefnt að fækkun byrgja og vinnusparnaði hjá þeim sem sjá um innkaupin.
EES samningurinn gerir auk þess Íslenska ríkið skylt til að bjóða út innkaup yfir ákveðnum mörkum á Evrópska efnahagssvæðinu.
Ríkiskaup sér um að gera samningana og vera í sambandi við birgjana. Þetta er fjármagnað með sérstakri þóknun ríkiskaupa af veltu sem nemur rúmum 1 prósenti að meðaltali.
Ríkiskaup byrjuðu útboðin á einföldum vörum eins og ljósaperum en hafa verið að færa sig í flóknari og dýrari verkefni á síðustu árum.
Expert ehf. styður þessa viðleitni heils hugar og er verið að undirrita samning við Ríkiskaup vegna kaupa ríkisins á ráðgjöf vegna upplýsingatækni.
Ríkiskaup, fyrir hönd áskrifenda að rammasamningakerfi Ríkiskaupa á hverjum tíma, standa fyrir þessu útboði á ráðgjöf í upplýsingatækni.
Forsendur þessa útboðs eru fjórar:
a) Þörf ríkisins fyrir hágæða ráðgjafaþjónustu
b) Þörf fyrir fjárhagslega hagkvæmni og upplýsingar um verð og framboð
c) Nauðsyn þess að gefa öllum ráðgjöfum jafnan rétt og jöfn tækifæri til keppa um þau verkefni sem bjóðast hjá ríkinu.
d) Þörf fyrir jafnræði og gagnsæi í vali á ráðgjafaþjónustu.
Það er vonandi að sá vani að verslað sé við sömu ráðgjafana, sem sitja innan stofnana ár eftir ár, verði brátt úr sögunni.
Expert ehf. er lítið fyrirtæki með stórar hugmyndir.
Tags: Rammasamningar ríkisins, ráðgjöf, Ríkiskaup, upplýsingatækni
Fáðu sérfræðinga til að:
- gegna lykilhlutverki í mikilvægum verkefnum
- sækja hraðar inn á markaðinn
- tryggja verðmæti viðskipta
- bæta sveigjanleika fyrirtækisins
Nýtt
Orðaský
